20 июльдә Казанга, 4,5 тонна авырлыктагы чәкчәк манарасын ясау өчен, Ренат Әгъзамов киләчәк. Десерт Россиядә чәкчәктән ясалган иң биек манара булачак.

Тәм-томны 70 белгеч әзерләячәк. Десерт әзерләү өчен ике тонна он, 30 000 нән артык йомырка, 1 700 литр фритюр мае һәм бал, шулай ук 560 килограммнан артык шикәр кирәк булачак.

Манараны әзерләү процессы 10:00 дә башланачак һәм тамашачылар өчен ачык булачак. Кунаклар өчен мәйданчыкны 16:00 дә ачачаклар, шул вакытта рекордны Россиянең гастрономия рекордлар Китабы өчен теркәү башланачак. Рәсми теркәлүдән соң, теләге булган һәркем бушлай чәкчәк авыз итә алачак. Мәйданчык якынча 18:00 гә кадәр эшләячәк.