Бөгелмәле ТР Рәисе Кубогы турнирында җиңүче булды

Әлмәтнең «Мирас» спорт комплексында йөзү һәм спортта пычак ыргыту буенча махсус хәрби операциядә катнашучылар арасында Татарстан Республикасы Рәисе Кубогының II этабы узды. Ярышларда республиканың 29 муниципаль районыннан 100 дән артык МХО ветераны катнашты.

Быел кубок программасына беренче тапкыр спорт пычагы ыргыту дисциплинасын керттеләр, ул зур кызыксыну уятты. «Йөзү» дисциплинасында Бөгелмә егете Андрей Князькин 2 нче урынны алды.

Турнирның муниципаль этаплары майдан октябрьгә кадәр бара, финал декабрьдә Казанда узачак. Кубок программасына барлыгы 15 дисциплина керә — волейболдан, йөзүдән алып хоккейга һәм ядрә белән атуга кадәр.

Турнирның максаты — МХО ветераннарын спортка җәлеп итү, аларны социализацияләү һәм сәламәт яшәү рәвешен популярлаштыру.