Бөгелмә районы башлыгы Дамир Фәттахов административ-техник инспекция бүлегенең яңа начальнигы билгеләнүе турында хәбәр итте. Әлеге урынны Түбән Камадан Бөгелмәгә күченеп килгән Алексей Бортников алды.

Алексей Бортников өчен Бөгелмә — ят шәһәр түгел: монда ул эчке эшләр органнарында хезмәтен башлап җибәргән иде. Алга таба Югары Осланда Эчке эшләр министрлыгы бүлеген җитәкләде, Зәй һәм Түбән Камада полиция начальнигы булып эшләде.

Административ-техник инспекция алдында киң колачлы бурычлар тора: җир эшләренең сыйфатын, казынулардан соң территорияләрне торгызуны, төзекләндерү кагыйдәләрен үтәүне, объектларның һәм шәһәр киңлекләренең торышын контрольдә тоту. Канун бозуларны теркәп бару гына түгел, ә аларның алдан ачу, оешмалар, подрядчылар һәм яшәүчеләр белән системалы эш булдыру мөһим.

Район башлыгы Дамир Фәттахов билгеләп үткәнчә, яңа җитәкченең идарә итү һәм хокук саклау тәҗрибәсе бу юнәлешне җитди көчәйтергә ярдәм итәчәк.